ليلة في صنعاء تساوي ألف ليلة!!!!

[المتوكل(•'.'•)]

انا : المتوكل

يا طيف صور سروري والمشاعر=واذكر تفاصيل تي الر حلة الجميلة
قل للحبايب طوال الليل ساهر=ليلة في صنعاء تساوي ألف ليلة
لا هم جاني ولا تظمى الخواطر=والجو في أرضهم ماشي مثيلة
تتمتع الروح بألوان المناظر=الفن والزين وأجواء عليلة
من راحة البال ماعدلي بسافر=ماحلى الإقامة في ابراج المسيلة
قل للحبايب من الطايف تغادر=تسكن في صنعاء الحضارات الأصيلة
شفت المناظر تشوق كل ناظر=أرض الطبيعة وخيرات جزيلة
في غير تي الأرض ما تحلى المجابر=لو كان مالي يجنب بالطويلة
حول المزارع أشوف البن فاخر=بنن من امزين ما فيهو عذيلة
يا ما عزمت السفر عودت اخاير=واقول ما شغلة الدنيا سهيلة
شهرين مضمون ما تكفي نزاور=واظن حتى امسنة عدها قليلة
مالي باعوّد وعاد امقلب ضاجر=واحتار في الهم همي من يزيله
لكن باننتظر تاجي الأوامر=وأصير مجبور ما باليد حيلة
بعض الدواير تصدر حكم جاير=واللي عصى أمرها ربي وكيله
يتبلغ الأمن باسمو والمخافر=والشيخ لازم يبلغ والقبيلة
والجيش يحشد جنودو والطواير=كل المعدات ما بقّوا وسيلة
والحرب تشتبّ والقوة تحاصر=والقصف يشتد ما هنى مقيله
قد صار محفوف دربو بالمخاطر=مهما تهرب حياتو مستحيلة
لكن مانا عزمت اقول حاضر=ما همني الناس لو قيله وقيله
من شان أسلم معد لي بامسخابر=وإلا تقول العرب قد بي خذيلة.